അബുദാബി: ഐപിഎല് താരലേലത്തില് ശ്രീലങ്കന് പേസര് മതീഷ പതിരാനയെ റിക്കാർഡ് തുകയ്ക്ക് കോല്ക്കത്ത സ്വന്തമാക്കി. വാശിയേറിയ വിളിക്കൊടുവില് 18 കോടി രൂപയ്ക്കാണ് ലങ്കന് താരത്തെ കോൽക്കത്ത സ്വന്തമാക്കിയത്.
രണ്ട് കോടി രൂപ അടിസ്ഥാന വിലക്ക് തുടങ്ങിയ ലേലം വിളിയില് തുടക്കത്തില് ലക്നോ സൂപ്പര് ജയന്റ്സും ഡല്ഹി ക്യാപിറ്റല്സുമാണ് ഇഞ്ചോടിഞ്ച് മത്സരിച്ചത്. പതിരാനയ്ക്കായി ലക്നോ 16 കോടി മുടക്കാന് തയാറായതോടെ ഡല്ഹി പിന്മാറി.
20 കോടി രൂപമാത്രം കൈവശമുള്ളപ്പോഴായിരുന്നു ലക്നോ 16 കോടി മുടക്കാന് തയാറായത്. എന്നാല് കോല്ക്കത്തവിട്ടുകൊടുക്കാന് തയാറായില്ല. വാശിയേറിയ വിളിക്കൊടുവില് 18 കോടി രൂപക്ക് ലങ്കന് പേസറെ കോല്ക്കത്ത സ്വന്തമാക്കുകയായിരുന്നു.